前晚老豆睇 Now寬頻的免費台、廣州的南方電視台.
係一個豪園廣告, 有個女仔講廣東話.
一聽, 咦? 好古怪.
我留心聽多幾句, 就問老豆聽唔聽得出呢個女仔的廣東話好怪.
老豆話好似廣州話掛?
我好肯定：「絕對唔係，佢係外省妹。」

個女仔講廣東話，
將答案的 答 tap 讀做 tan

談 t'am 讀做 t'an
將蝴蝶的 蝶 tiep 讀做 tien

完全讀不出 粵語的 -m 收尾及入聲 -p
-m收尾及入聲是閩北閩南客家粵方言的特色.
呢個女仔完全讀唔出,
肯定係北邊妹.

其實佢廣東話都好流利, 發音可以講全部無錯.
唯讀好特色的 -m, -p, -t, -k 讀唔出.

又,
老豆係廣東清遠出世的地道廣東佬, 廣州音或其他鄉音都識,
但結果都聽不出個女仔係外省妹.
我咁少去廣東反而聽得出.
因為,
我有漢語音韻學的基礎, 對方言特色極為敏感.

篇文無咩, 只係想讚下自己~~ 呵呵呵~~~

同埋, 我的國語發音總係 zh- j- 不分, tc- ts- 不分,
因為廣東話無嘛~~ 所以唔好太苛求~~