今年, 我一直在猶豫要投公民黨張超雄, 還是畀面毓民去投社民連陳偉業.
        昨晚聽網上電台 hkreporter 蕭若元的節目,
        http://www.hkreporter.com/myradio/channel_list.php?channelid=181
        http://dl3.hkreporter.com/files/new/siu_2008-08-27_2_06ce.mp3

 

        蕭若元話齋, 民主黨或公民黨的爭取方式太落伍.
        永遠投票輸了, 留下議會紀錄就了事.

        民主派爭取民主, 一定要找新方式.

        長毛梁國雄就是指標.
        議會投票、發言, 甚至在議會發難, 加上街頭抗爭,
        更加上司法覆核,
        這是全天候、多方位抗爭.

 

        當初長毛入議會, 大家視為洪水猛獸. 結果呢?
        香港人已習慣了.
        而香港沒有殞石墜落, 沒有末日, 經濟照舊繁榮, 生活如常.

 

        長毛對政府的竊廳條例做司法覆核, 勝訴.
        過往政府不需任何監察能偷聽所有人, 現在變到要法官批准,
        多了香港人最相信的司法獨立之保障.
        長毛一個人就幫香港七百萬人保障了私隱、人身自由.
        這是誰做到?
        李柱銘、何俊仁、大狀黨有做到嗎? 有做過嗎?

 

        可惜, 長毛只有一個人獨舞, 大家以為發瘋.
        如果黃毓民與陳偉業同時進入議會, 聯手活動,
        議會內外、司法、街頭、輿論, 同步抗爭, 效果肯定大得多.

 

        香港的民主一池死水、陷入困境.
        求變, 搏一舖重槌出擊.
        我決定投社民連, 我要投陳偉業.

 

原帖由 wahsnowing 於 24-8-2008 02:11 發表
        立法局競選 - 新界西 - 民建聯譚耀宗拒答李鵬飛提問@Now 21082008
        http://hk.youtube.com/watch?v=uYdWdRBz9mA
        一係失蹤, 一係唔肯答....

飛哥問譚耀宗是否讚成立法局獨立調查梁展文.
當日劉江華大大聲話會.
當然會, 你劉江華唔係港共出身, 根不正苗不紅, 手下都要掛個牌「公民力量」,
你劉江華講咩都無用啦, 你都唔係民建聯決策核心.
因為民建聯內部重有中共地下黨員的黨組織會議嘛, 都無你劉江華份.

有份的, 根正苗紅的如陳鑑林, 咪要大大聲話
「唔好再追擊梁展文, 我地唔可以學文革咁~~」
我地都無學你班土共做土製炸彈亂殺人.

譚耀宗, 根正苗紅, 家陣重係民建聯主席,
咪要死都唔答, 不停迴避問題, 點都唔肯講啦,
「飛哥, 劉江華答左啦, 你問過第二個問題啦~~」

唔應該查咪唔應該查囉, 照實講嘛.
我個土共老豆咪話梁展文好可憐囉, 咩咩唔駛查唔應該查.
你照我老豆咁答嘛.
咁光榮偉大的答案, 點解唔答?

查實, 你民建聯無自由意志, 中聯辦或中共發命令話唔准查梁展文,
你都即時就會反對立法局的獨立調查小組啦.
收檔啦民建聯.

張學明, 估唔到你威到可以同吳三桂睇齊.
「吳三桂賣國, 張學明賣鄉」又幾鬼押韻.
你都係掛個名鄉事派, 其實家陣做立法局議員好開心, 唔捨得走.
老實D嘛, 無人怪你. 權力慾人人都有.
慘就慘在,
新界東民建聯賣甩你鄉事派, 掛根正苗紅陳克勤都唔掛鄉事派.

投靠民建聯就係出賣鄉事派.
賣咪賣囉, 緊跟中共中央的奴才的指導, 都算沾到一丁點國家榮耀嘛.
簡炳遲就威喇, 奴罵劉皇發爻底、賣鄉, 派自己個仔搭田少檔, 一齊搶鄉事票.

陳克勤好野呀, 家陣實會畀長毛告到賠錢.
未上位就累民建聯輸錢, 果然年輕新希望.
誣蔑長毛咁過癮呀~~

范太拒絕長毛的下半旗動議, 惱羞成怒

  同本少俠一樣力挺民主派的陳水仙板主認為陳太不會參加補選,
  因為陳太看不起立法局這種低層次.
  而很不滿泛民主派的wschow站友同樣不認為陳太會參選.

  不過我覺得此時此刻反而是這幾年來陳太最有可能參選立法局的喇.
  因為情勢正在改變.
  明顯中共仍未有決定2008及2012由誰人做特首,
  而且對2012的特首產生辦法同樣未有決定.

  所以鄭耀棠劉迺強兩條茂利大大聲話2012無普選,
  之後又要強調只是個人意見又乜又物.
  因為中共中央當權派仍然未有定案.
  亦是如此,
  所有想做特首的人都盡量表現自己.
  即是中共各系統所屬意的人選都要盡量努力表演.
  自從建華之亂以後, 中共終於明白夾硬欽點係無用,
  必須重視「被點人」的民望, 十分重視「被點人」是否為港人受落.

  也是如此, 屬意葉劉淑儀的某些高層就出錢出力栽培葉劉,

   要葉劉獲得民意的認受, 要她受直選洗禮, 贏得合法性.
  而中共中央覺得提供更多特首候點人可以方便選擇, 樂於放手.

  就係因為一切未決定, 中共亦樂於看候舉人熱身,
  這就是陳方安生表演的好時機.
  事實上陳方安生亦不得不上馬.
  因為陳方安生已經遠離公職太耐, 光環會漸漸消失的.
  正好葉劉上場, 萬眾觸目.
  只要上場打敗葉劉, 就必定聲威大震.
  連港英餘孽曾蔭權都可以做特首, 超出一百樣可能, 點解陳方安生無可能呢?

  講選舉, 陳四萬點會輸畀葉劉呀~~
  何秀蘭都唔會輸架.
  只係因為泛民主派一時間未推出單一候選人, 所以聲威未集而矣.
  這是另外的問題, 在此不用討論.

  但何秀蘭退選, 不足一日已經全港流傳是為了讓陳太出選.
  如果何秀蘭咁大犧牲陳太都不願上場,
  陳太的「香港良心」地位只會崩潰殆盡, 從此永不翻身.
  民主黨班茂利無樣叻,
  出呢種蠱惑招就夠醒.
  記者問何俊仁係咪要請陳太, 何俊仁都回應都相當明顯.

  現在看來似乎係民主黨人好落力說服陳方安生出選.
  李柱銘最厲害的功能係擴大民主派的人丁.
  當年力挺余若薇參選立法會, 令大狀黨成為民主新血.
  現在又威逼利誘陳方安生參加立法局 ...  嘩~~~

  如果陳四萬最終都不出選, 只能證明這個女人無政治智慧,
  該死, 抵佢無得做特首.
  如果現在不出來但出年又去七一遊行, 我就去喝佢倒睬.

 
        剛才新聞節錄了葉劉淑儀接受港台《千禧年代》訪問,
        葉劉猛踩民主派協謂一個人作代表競選.
        話呢個係民主派做篩選,
        大踩民主派口口聲聲話拒絕行政長官選舉預設篩選機制,
        話民主派自己就實行篩選, 言行不一, 又乜又物.

        真係噴飯.
        你啽乜呀?
        你葉劉對民主及基本法有無認識架?
        公民黨、前線、民主黨、社民連要用公開辯論及民意調查來決定候選人,
        一切都依舉民意, 就係民主的精神啦.

        但 800個人篩選出特首,
        呢 800人絕大部份都不是人民授權, 而係中共委任
        不是人民投票選出, 甚至不是跟據民意調查去委任.
        中共依咩標準委任呀? 愛國愛港呀? 定係挺董挺曾呀? 定係愛黨呀?
        完全違反民主.
        完全係人治、家長政治的精神.

        你葉劉成日話「美國都係無普選, 係幾十人選出蒞」, 又乜又七.
        人地美國各州投票決定總統人選,
        然後各州的「選舉人票」就依據州內的民意去投,
        係一種各州聯邦合眾國的精神體現.
        點同人治的中共呀?

        咁中意講美國,
        家陣民主派協調或篩選候選港島區代表的方法就係美國式囉,
        就好似美國民主黨內希拉妮對黑人候選人一樣囉,
        公開辯論, 然後等民眾決定.
        呢樣就係民主喇.

        你葉劉係唔識咩叫民主, 定係專登偷換概念、偷天換日呀?
        真係作嘔.
        如果你講篩選基制係《基本法》寫明,
        或甚講「呢個係政治現實, 中共就係唔畀香港人有民主」
        勸香港人面對現實,
        咁我都唔會咁火滾.
        如果唔識就再返去美國讀書, 或者去中大科大城大讀書,
        無謂展現出咁左的樣相.

 : 就要同時抱住"無忘國恥", 否則, 我們就是忘記不了殖民地的國恥.

        殖民地的國恥是當政者的恥辱, 清朝將香港賣了,
        有無問過香港當時的人? 香港人有得 say no 咩?
        清朝賣台灣給日本, 台灣人真的say no, 全省反對,
        並成立了一個短命的民主共和國,
        邀請廣東的黑旗軍劉永福到台灣一齊打日本兵.
        即係李連杰《黃飛鴻》第一集入邊將把「不平等條約」的紙扇
                交給黃飛鴻的那位將軍.

        其實真係幾恥.
        如果唔係有香港, 五百萬人就會在大陸餓死或被鬥死.
        關我地咩事?
        直到現在, 中國的政權都不是我們平民百姓能選擇的,
        政權自己的行為, 又要我們無辜的人來背負?
        慈禧相信義和團刀槍不入造就八國聯軍, 令新界割給英國,
        又關我們平民百姓咩事? 我地有得 say no?
        如果講恥辱,
        100年前慈禧義和團同100年後毛澤東大躍進大鍊鋼文革都真係前後呼應,
        都真係幾恥, 點解中國會有咁樣的領導人做咁樣的決定?
        中國文化出左咩問題?

        如果唔係有香港, 49年後 (所謂的解放) 大陸那班資本家就無位走.
        就係這班資本家帶著全中國的資金、技術雲集香港,
        加上大量從大陸逃來的人力,
         (以上是初中學 EPA得知的, 都無話殖民地教育抹殺中國因素)
        就加上英國人的先進管理 (呢個我自己加的~~), 先有香港呢個經濟奇蹟.
        全世界咁大, 又非洲又阿拉伯又印度又東歐,
        點解唯獨香港咁細咁細塊地方可以造就經濟奇蹟?
        呢個緣份好神奇.
        如果沒有香港的經濟奇蹟回饋中國大陸,
        大陸呢廿幾年的改革開放邊有咁快?

        都係係幾恥辱.
        點解中國人的成功要靠英國人?

        真係唔好同我講民族主義, 太搵笨.
        我地講民族主義, 講愛國, 講國恥, 但我們無權話事, 無權決定政治.
        但政權得閒、或者佢想講就可以講,
        佢唔想講就唔講, 仲會唔准人講. 佢話事, 佢乜都大哂.
        佢唔准講民族主義時 (e.g. 保釣),

        佢唔講時就唔駛向我地解釋, 然後就有一大班人幫佢解釋.

        唔好同我講民族主義.
        我從第一post開始其實都係講旅遊.
        外地人中意睇皇后碼頭就得喇, 外國人同大陸人中意睇就得喇.
        賺到錢就得喇, 唔好同我講咁多.
        無代表性都夾硬宣傳到有, 全世界做旅遊生意都係咁啦.
        你去江南水鄉烏鎮、西塘、朱家角,
        賣的各種土產講到點勁點傳統, 其實任何大城市都有得賣.
        台中市胡志強向大陸推銷的土產「太陽餅」, 唔通元朗老婆餅會輸?
        呃到遊客錢就係神仙啦.

: 我只係覺得唔值得保留成個整體. 拆了也不太可惜. 如果沒有發展,
: 擺係果處一千年都冇問題, 但係依家係要有發展, 唔通讓路都唔得?

        我個人係對皇后碼頭可以遷拆被重建感到欣慰.
        對天星碼頭被摧毀並填海感到深深不憤.
        讓路當然得.
        問題是這班年青人的運動客觀地令皇后碼頭得以遷移保存,
        多一個旅遊景點多一筆錢.

        大家係度大大聲講皇后碼頭無記憶無意義, 有都只係國辱又乜又物.

        昨日本土行動的人就在城市論壇講：
        「天星、皇后及愛丁堡廣場係香港人社會運動的來源，
        　保釣、反殖、關注香港低下階層等等各種社會運動都在這裏開始」
        你地都無記憶呢？
        因為你地係未出世定係無份參加？
        保釣同反殖係愛國，民族主義適合大家taste
        關注香港低下階層就係熱愛香港社會。
        當然大家都唔知啦，70年代參加社會運動的大學生們,
        現在就是香港的政治、傳媒等等知識界的中流柢柱,
        政黨從民主派到民建聯的人都有份,
        從岑建勳到黃毓民都有份.
        無佢地咁多人的努力, 邊有今時今日香港社會咁自由開放?
        邊得香港多咁多福利?
        大家有幾多人睇過政府驗所, 接受政府醫院的照顧?
        有幾多人住過公屋或仍住緊公屋?

        恥辱就記得 (仲係政權自己的恥辱),
        香港人自己的光榮就完全唔知.

         剛剛從大陸寧夏自治區的固原回來.
        參加了當地政府舉辦的學術會議暨旅遊發展會議.
        其實根本係政府出錢想大力發展旅遊,
        然後借助學術界的討論來宣傳成吉思汗曾經到六盤山避暑,
        希望用歷史來吸引遊客.
        大陸的大學有一種好有趣的學系, 叫旅遊系.
        從前覺得好搞笑.
        但聽過旅遊系人的報告, 真係覺得好掂好有路數,
        完全係一種經濟學及商業學, 完全係發展旅遊的計劃書~~~

        去大陸好幾日, 只有一日上網睇到新聞.
        睇完馬英九同台灣, 就睇港聞.
        一睇就係林鄭月娥大大聲話要拆皇后碼頭.
        真係火都蒞.

        大家又話香港無優勢喇, 又話中短期之內被上海追過喇,
        又話長期香港毫無優勢喇, 又話上海股市遲早追過香港,
        又話深圳的貨櫃碼頭好快追過香港,
        又話上海的碼頭追過香港,
        又話香港人懶又唔上進又唔讀書又乜又物.
        咁未來香港可以靠咩?

        睇個勢只係靠旅遊啦.
        香港有咩特色? 咪英國殖民地的舊文化與舊風光囉.
        咁整咩要拆完天星又拆皇后?
        
        全中國發展旅遊都如火如荼、hing hing hum hum,
        咩聯合國文化遺產, 咩國家重點保議文物, 咩省重點文物.
        連澳門都整個城市變成了聯合國文化遺產.
        鬼整香港乜都唔做呢?
        唔做, 落後, 仲要反潮流去拆, 去破壞旅遊境點、話題境點.
        真係火都蒞.

        茂利香港政府, 從今開始我要睇實你點對皇后碼頭.  

  呢句說話不是我說的, 是大律師公會前主席張健利在《香港家事》中說的.
  大律師依法論法, 勸告中共不要運用自己的橡皮圖章人大去曲解基本法.
  因為基本法是全國性法律, 有如憲法,
  北京政府無理由違反憲法的精神及原意.
  諸如此類的論述可以看看今日2007年7月3日《信報》的報導.
  
  張健利的說法不是無的發矢, 而是針對人大委員長吳邦國的言論,
  說甚麼鄧小平不讚成香港實行三權分立, 說甚麼基本法沒寫三權分立.

  沒有三權分立, 那就好像大陸一樣, 政府可以干擾司法, 
  地方官可以控制地方法院然後對投資商人又拉又鎖, 都唔少香港商人試過.
  鄧小平當然唔中意三權分立啦.
  80年代佢去美國都同美國人講: 我唔明白點解一個政府分成三個部份~~
  對政治制度政治理論如此膚淺.

  從前香港的法律終審係英國的樞密院.
  人地英國佬司法獨立, 戴卓爾夫人或馬卓安定貝理雅都無法干擾.
  而且解釋法律不在上下議院, 而在法院.
  但我地偉大社會主義祖國的基本法解釋權不在法院,
  而在人大. 人大又是中共中央的橡皮圖章.
  
  其實無啦啦共產黨講呢類說話做咩呢?
  因為向香港人曬馬, 帶高帽.
  04年就驚民主派控制立法會, 驚0708雙普選,
  所以就拋出「愛國論」, 話香港人要愛國先可以講民主,
  即係李肇星陳左耳話: 「唔好講民主, 先問自己係咪中國人!」
  原來做中國人係要無民主, 係要做獨裁專制下的奴隸.
  到最後,
  愛國論都係得個講字, 係嚇香港人, 係轉移視線,
  等大家驚到唔得閒講民主政制講普選,
  等全香港浪費時間去討論咩咩愛國愛港又愛共.

  家陣曾蔭權話要拋出政制檢討綠皮書.
  中共就開始故技重施, 又戴香港人高帽, 又嚇我地.
  講到好似要取消三權分立, 要取消香港司法獨立一樣.
  共產黨真係死性不改.

  七月二日《信報》社論好發人深醒.
  香港同中國在經濟上融為一體, 大陸的港企股成為香港股市的主力.
  何以政治上代表中共的民建聯及工聯會卻始終不得香港人心?
  何以民主派仍然在各大小選舉都得超過 60%的選票?

  中國的經濟實力與日俱增, 中共應該更加充滿信心, 
  中共應該更自信已得民心.
  但何以中共卻在政治上依舊封閉緊鎖?
  點解實力與信心越強, 政治上越加保守?
  對各種維權律師又拉又鎖.
  點解面對一國兩制高度自治的香港仍然要處處干涉?
  這種獨裁政權的慣性, 才是令香港人抗拒的原因.
  北京越成功, 反而越有膽量去加強獨裁統治.

  主權移交十週年,
  黃毓民話興祝十週年大家都未死得, 終於捱過建華之亂.
  聽完我就笑死左.
  套用譚志強的一番話比較真:
  「慶祝香港人經濟上擁抱大陸, 慶祝香港人將阿爺伸得太長的手打回去」

  所以, 大律師話要中共自己克制, 我都覺得不切實際.
  即係叫孟子去游說秦始皇「克己服禮為仁」.
  倒不如香港人自己努力, 經濟上繼續發光發熱,
  政治上繼續努力趕走中共的無禮之手.
  自己的努力比期待聖王降世要實際得多啦~~

 

三點半從皇室寶入到維園, 門口見到楊森同李華明叫咪、籌款.
成個維園被分為三個場區.
我呆在第一場區, 太悶, 就學人穿過繩索圍攔、進入第二場區.
我剛進門時第三場區已開始放人離開,
但要半個鐘後才疏散出所有人, 才到我的第二場區出發.
由於第二與第一場區之間有警察及糾察站崗, 大家都唔敢越區.
四點, 身旁傳來一陣歡呼, 原來第二場區已經開始出發.

點解咁慢呢?
因為每一段時間, 從銅鑼灣到中灣都會間中截斷遊行路線,
放行電車、汽車及橫過馬路的行人.
前前後後令到遊行民眾行得好慢.

今年遊行佔三條行車線, 04年佔盡六條.
人數的確比不上2004年, 但都比05及06年的人多~
在中環至灣仔真係逼爆.
無線六點半新聞話大會宣佈有六萬八千人參加.
警方只講「兩點九到四點半有兩萬人離開維園」, 真係一個取巧的答案~

見到三面青天白日滿地紅旗, 其中一面帖著台灣島,
寫著「羨慕台灣一人一票民主」

最聲勢浩大反而係法輪功, 人多勢眾, 仲有兩隊樂團,
一隊金黃色的西北鼓樂隊, 一隊西洋樂儀仗隊.
看來好多法輪功人都不是香港人, 都講國語或發音不正的廣東話.

黃毓民、長毛的社會民主連線有個紅衣旗海陣, 都幾好睇.
但望蒞望去都唔見毓民喎.
只能在「我要普選」的長布上簽名~~

最得意莫過於跟旁有幾個印傭, 搖動「普選」旗仔,
一邊用廣東話叫「叫油加油」~
有遊行人士問佢地, 印傭們就話支持我地~~

經過前線攤位, 香港天主教勞工事務委員會的攤位,
就見到「民主陣線」的崗位, 寫著：
　麥業成，黃彩媚，謝開秋，廖任，
　麥永光，王少嫺，鄭志明，張國慶，陳偉文，甘天成
我認得麥業成、黃彩明、謝開秋個名，係元朗天水圍的民主派區議員，
所以同佢地握手.

又見到保衛皇后碼頭的攤位, 所以豪 $60買左件皇后碼頭的 T-裇.
見到民主動力, 好似係蔡耀昌, 就醒佢地幾蚊神沙.
全民投票行動攤位 <- $10
公民黨攤位有橙色幾靚的 T-裇, 買~
見到毛孟靜在撐港台運動的攤位, <- $10
又見到好多女權運動、保障婦女、反對種族歧視的團體.

見到阿牛曾健成的民間電台 <- $10
「呢邊有民間電台, o個邊有保衛釣魚台. 請大家支持!」
保釣? 8月15日再赴釣魚臺.
即時豪左 $20. 希望今次可以上釣魚台插洋紫荊旗!!!!
中共唔要釣魚台就香港人要~

鵝頸橋底見到公民黨的余若薇大狀及議員金佩瑋.
仲有劉慧卿呼籲大家call更多朋友來遊行, 「卿姐在鵝頸橋等大家!」
之後係社民連的攤位,
離遠就見到長毛喊咪, 仲有毓民派玫瑰, 底下係大舊陳偉業.
毓民只派花, 無開咪講o野, 真係超可惜.
我拿出 $100紅衫魚：「毓民！我重槌出擊呀！」
毓民：「哈哈！重槌出擊呀嘛？」拍拍我肩膊，就遞玫瑰畀我.
遊行民眾見到毓民都即時揮動手上旗仔~

見到李卓人及職工盟.
之後聽到有人叫我個名. 望去, 原來係名人鄧Ｘ樺.
鄧Ｘ樺今年的自製標語係「熊貓治港, 要曾蔭權蒞做乜?!」
合照, 傾幾句, 鄧Ｘ樺又被其他朋友叫停, 名人果然係相識滿天下.
道別後, 我繼續加速, 超前.

見到有個人在親共的大公報門外揮動青天白日滿地紅大旗.
街工梁耀忠的攤位 <- $7 神沙.
又一個撐港台的攤位.
之後係釋放程翔的攤位 <- $20
民協攤位見到馮檢基, 佢只能收到我幾毫子.

之後見到李永達, 係民主黨攤位.
行近, 見到李柱銘, 好多人爭住同佢合唱.
更驚訝係好多人排隊等李柱銘簽名, 都有幾十人.
李柱銘件衫係「不到維園非好漢」
民主黨個籌款箱有超多紅衫魚, 真勁.

獨立媒體又一個攤位, 多了批評淫竊物品審栽處的標語.
仲有灣仔市集關注組的攤位, 要保護「我們的利東街」
有一個叫正視彩虹的組織, 好似係關注同性戀及愛滋病的.

跟住傳來雄壯的歌聲, 原來係香港民主發展網絡,
係朱耀明牧師好精神咁企係小臺上唱歌、喊話~
跟住的攤位組織係大學師生關注無良企業.
見到一個人披著洋紫荊區旗在遊行, 幾得意, 所以影低.
見到大專學生基層關注組的攤位.
見到香港社區組織協會的遊行群, 係咪即係何喜華呢?
仲有保護動物的遊行團隊.

跟住見到醫學界民主行動的攤位, 係醫學界立法會議員郭家騏.
佢反對將港大醫學大樓改名為李嘉誠樓.
此時已經係 5點45分, 行到政府總部之下.
上斜路, 見到一個簡單的自製標語「支持繁體字、平反六四」
又見到一個洋婦人, 一手拿著五星旗及香港洋紫荊旗,
似係參加完慶回歸十週年
另一手卻拿著相機影我地的七一遊行.

上到政府總部, 見到街工鋪在地上的兩大橫額,
一張係「民生．普選」, 一張係打了交叉的「粉飾太平」.
到政府總部前人潮散去的出口, 此時在臺上唱歌的係甘浩望神父.

散去, 從後門向中環方向離開, 又回到剛才上政府總部之處.
就坐地鐵走lu ~~
今年七一我又出現, 連續五年都參加了~~~

 

馬力 (香港的親共政團民建聯的主席) 或與馬力有相同言行的人，
同日本軍國主義者修改教科書的行為一模一樣。

馬力在計較有沒有可能坦克車踐過人體，
就像日本右翼癲佬在計較南京有多少人口，短時間內殺不了30萬人，
又似他們計較日本武士刀斬多少個人頭就會崩裂折斷，
更似他們以手樓彈在水中的爆炸力殺不了人去否定洋人日記所寫的日軍「屠城」記載。

天安門無死過人，那長安大街死了多少人？
陸肆不是屠殺，那是不是叫血案？慘案？
慘案，嘿，
當年1927年國民革命軍北伐消滅軍閥，
日本意圖阻礙中國統一，借口國民革命軍侵害日本在山東的利益，
出兵攻入濟南大肆殺人，這叫做濟南「慘案」。
那如果要計較陸肆不是屠殺，那南京大屠殺是否要正名做南京小屠殺呢？
南京都無全城人死光死盡，
比不上張獻忠在四川殺人，比不上清兵的揚州十日嘉定三屠。
是要計算殺人的數量？殺人的百分比？
還是計算殺人背後的政治含意？

 

日本人不斷修改教科書去淡化日本的侵略，這是很有目的。
因為日本人害怕下一代讀到這一段歷史會羞愧，會羞於愛國。
日本人七、八十年代的經濟奇蹟是靠日本人的愛國意識及集體主義。
東京政府害怕日本下一代發現日本污穢的歷史，
害怕會令下一代羞於愛國或不愛國，害怕會因而失去愛國集體意識的力量，
害怕因而令日本的強項流失，害怕會從此一橛不振。

德國人這50年來都不敢講愛國的，因為這個會反省的民族真的為自己歷史羞愧。
直到上年世界杯奇連士文令到德國足球大放異彩，
才令德國人有勇氣有理由去高談愛國，風氣大變。

 

那愛共人士又為何要淡化及否定陸肆的殺人事蹟呢？
偉大社會主義祖國的強大與經濟奇蹟同陸肆殺人無關的嘛，
只係同專制獨裁一黨獨大有關，同黨商勾結剝削貧下中農有關，
同中國人多生產成本低有關，同中國人奴性怕死唔敢反共有關。
那淡化陸肆殺人又有何必要呢？

有，唯一的必要就是怕會令中國人羞於愛共產黨。
不過，
馬力之流都係白黐的，因為愛共產黨是不需要真心的嘛，
入黨不是為了找著數好處，就是真心愛國。
愛國必定要愛黨咩？
黨國不分。

 

有，因為中共係中國人心目中最高的道德價值標準。
馬力之流在努力營造這種假想。

都幾無聊，真係愛國就認真做好事，為貧下中農及下崗工人努力啦，
為山區失學兒童努力啦，揭露官員侵吞賠款，努力去打擊貪污腐敗啦。
愛國喎。收檔啦馬力。

今日又到星期六喇.

 

呢兩個星期發生左好多好多事.
呢兩個星期亦都太過忙, 忙去旅行, 忙遞表拎簽名, 忙定稿, 忙印論文.

為論文寫左篇《後記》, 竟然寫左我12個鐘.

但係用12個鐘整理呢十年的學業生捱, 其實已經算好短.

睇返篇《後記》, 都覺得好有生命, 好有自我.

無激烈的修詞, 但自己仍feel到活力同熱力.

 

今晚終於得閒返少少, 係時候面對呢兩個星期、呢一個月,

面對咁多咁多的事, 好似我家陣張書檯同間房咁, 四圍都係.

要整理一下記憶.

harddisk 都要 fix 同重組啦. 我諗人腦都一樣.

兩個星期, 唔知要幾耐呢?

但似乎唔會快得過篇《後記》.

睇蒞, 自己一個人唔夠, 要搵個宮女秘書幫手執拾下個腦先得.

 

前晚老豆睇 Now寬頻的免費台、廣州的南方電視台.
係一個豪園廣告, 有個女仔講廣東話.
一聽, 咦? 好古怪.
我留心聽多幾句, 就問老豆聽唔聽得出呢個女仔的廣東話好怪.
老豆話好似廣州話掛?
我好肯定：「絕對唔係，佢係外省妹。」

個女仔講廣東話，
將答案的 答 tap 讀做 tan

談 t'am 讀做 t'an
將蝴蝶的 蝶 tiep 讀做 tien

完全讀不出 粵語的 -m 收尾及入聲 -p
-m收尾及入聲是閩北閩南客家粵方言的特色.
呢個女仔完全讀唔出,
肯定係北邊妹.

其實佢廣東話都好流利, 發音可以講全部無錯.
唯讀好特色的 -m, -p, -t, -k 讀唔出.

又,
老豆係廣東清遠出世的地道廣東佬, 廣州音或其他鄉音都識,
但結果都聽不出個女仔係外省妹.
我咁少去廣東反而聽得出.
因為,
我有漢語音韻學的基礎, 對方言特色極為敏感.

篇文無咩, 只係想讚下自己~~ 呵呵呵~~~

同埋, 我的國語發音總係 zh- j- 不分, tc- ts- 不分,
因為廣東話無嘛~~ 所以唔好太苛求~~ 

         實在怎樣也想不到馬英九竟然在今天佈參選總統!
        今天是馬英九被起訴日, 是馬英九辭去國民黨主席之日.
        這兩點多數人都有心理準備.
        但馬竟然說參選2008, 實在十分意外.

        民進黨主席游錫坤平時講很多話都很難聽, 但這次說的很對:
        馬英九在轉移視線 ! (怒 <- 這游的表情)

        那是挺馬的人本來心灰意冷心情低沉, 剎那間又興奮起來.
        但事情那會這麼簡單?
        首先國民黨內有馬英九訂立的排黑條款,
        說被控的不能代表國民黨參選, 即是馬英九就不能了.
        馬英九怎樣過排黑絛款這一關?

        馬英九今天宣佈參選, 但他這決定有沒有得到國民黨黨內支持?
        連戰怎樣想? 王金平怎樣想? 國民黨中常委們怎樣想?
        馬是在「搶閘」出關.
        明顯是硬來, 告訴國民黨其他派系說：「我是怎樣也要選!!」
        即是說,
        國民黨的黨內角力提早曝光.
        
        大概王金平及其他派系都會很意外馬英九現在宣佈參選,
        本來王金平是想趁馬英九辭去黨主席後在黨內逼馬退讓.
         (退讓的條件是甚麼? 王是想做總統? 還是要更大的實利?)
        現在馬英九硬來說參選到底,
        就是馬英九用民意來打壓王金平, 馬在先下手為強.

        台灣批踢踢BBS 有網友說：
                那他就是分裂國民黨的元兇！
                王金平這回更是啞巴吃黃蓮了 XD
                國民黨此刻背水一戰團結一致哀兵必勝的姿態都出來了，
                真是前所未見。
        
        今天更有一大堆星級立委如朱鳳芝等開記者會挺馬, 選檢控不公平,
        這班人就是挺馬的人, 但他們一向都不像吳育昇等馬直屬派系.
        挺馬的人在國民黨內也是超乎想像的多,
        這對那班王金平派連戰派的中常委壓力很大.

        中常委們自然有自己盤算, 竟然要求馬英九留任,
        再聲言要修改黨內排黑條款, 讓馬可以代表國民黨.
        修改? 但為一人修改, 太難看, 未來國民黨及馬英九怎樣反貪?
        但那班自己黑金很多的中常委就很開心很樂意,
        可以為馬一人修例的同時, 也保護自己派系的貪黑利益.
        嘿嘿 ...

        更嚴重的是, 如果馬英九願意修改排黑條款, 就是馬也墮落了,
        馬不再是小白兔, 可能變成大野狼.
        那會是福是禍?

        挺馬派系現在向檢方施壓, 要實施焦土政策,
        把所有曾把特支費當薪俸一樣用的民進黨官員全都檢控,
        希望一舉把民進黨四大天王都拖下水.
        泥巴戰, 烏賊戰, 
        陳水扁為自救而拖馬英九下水, 馬為解套而拖綠天王下水.

        好戲上演了.

        一直中華民國的郵票在大陸都用得很好, 在世界也是.
        通常中共在所有國際場合打壓中華民國國旗,
        台灣人民很不高興.
        但一直寫著「中華民國」的郵票卻在世界和共區都暢通無阻.

        現在都要改了.
        未來只有台灣郵票, 中華民國的名號在世界上一大領域消失.
        台灣人民又有何感受?

        有大陸人說台灣在自我矮化成一個省.
        從前台灣人最不喜歡被中共矮化, 現在自我矮化.
        但1,
        這樣自我矮化, 中共卻更不高興.
        風水輪流傳.
        把顛倒的過去重新顛倒過來.

        這樣, 不知道大家有何感覺?

        其實再問一句, 中華民國變成台灣國的話,

        是否就有國際空間? 是否邦交國就會從30個變成130個?
        名字換了, 問題會解決了?

        民進黨由謝長廷派系的立委謝欣霓、王世堅、管碧鈴等開火,
        攻擊馬英九的台北市長特支費,
        最先是炮轟馬英九將不用報銷的一半特支費放入私人戶口、再申佈財產.
        到查黑中心查出台北市府科員余文用偽發票於需要報銷的一半特支費,
        謝欣霓及管碧鈴等炮火就集中攻擊這一半需要發票的特支費.
        比如說有女性用品啦,
        說發票都來自馬英九家四圍的便利店,
        又如說發票內有黛安芬胸圍等等,
        試圖證明馬英九利用要報銷的特支費來作私人家用開支,
        是貪污表現.

        台北市政府一一駁斥.
        上星期五管碧玲又爆料說馬英九將戶口金錢分批匯出, 是脫產.
        原來是馬英九分批將錢捐給各慈善團體.
        馬英九說特支費入帳被說成貪污, 憤而將等同數額的1500萬捐出,
        更指出第一批捐款早幾天已捐出, 駁斥管碧玲的脫產說.
        結果民進黨人又批評馬英九是犯了法才捐款, 又這又那.
        民進黨的謝長廷近來重火力說馬英九將特支費存入戶口就是貪污,
        甚至有報章說查黑中心發現馬英九的戶口只有收入沒有支出,
        質疑馬英九入帳的特支費都沒有用於公務, 是貪污.
        連帶宋楚瑜和其麾下立委劉文雄,
        也一起攻擊馬英九特支費入帳是貪污.

        結果,
        馬英九開始還擊.
        馬系的立委吳育昇、孫大千等先揭發管碧玲在出任高雄市文化部期間,
        亂花公款一億元, 更將特支費入部入帳, 且財產收入與官職不相稱云云.
        質疑管批馬是自打嘴巴.
        當初管很口硬說：「我公報財產，你馬英九只會更難看」
        結果現在又胡扯說都在審計會裏, 無法公佈云云.

        對於被指馬英九的戶口是收入大於支出 (特支費並沒用於公務),
        首先由台北市議員楊實秋拿出幾年來的四張支票收據,
        指出馬英九托自己將支票交給一件命案苦主的重病遺孤.
        楊實秋指馬英九為善不留名, 但自己看不過民進黨誣陷馬英九,
        所以私自公佈.
        並指出馬英九八年來一直用特支費做各種慈善捐款.
        由於此命案當年轟動台灣, 所以楊實秋爆出馬英九的慈善捐款,
        媒體都瘋狂報導, 甚至上門訪問苦主,
        帶病在床的苦主說：「想不到一直以來馬市長都用特支費照顧我」
        遂將民進黨的攻擊簡單化解.
        馬英九指出自己任職市長八年來共捐出 6800萬,
        當中約4500萬是兩次市長選舉經費的餘款,
        即 2300萬 是任內 8年的入帳特支費 (1500萬) 加上自己的私人財產.
        並說兩日內會供報詳情.

        看來,
        民進黨人現在不敢質疑馬英九的捐款,
        怕越質疑, 馬英九就會揭出越多捐款事實,
        抹黑不成, 反而只招損傷, 還要把馬英九越抹越光亮.

        不過, 仍然有些民進黨立委如徐國勇, 一邊護管碧玲,
        一邊說馬英九沽名釣譽.
        即是不公佈戶口用途, 就說入大於出、說說馬英九貪污;
        公佈了捐款數目大於特支費入帳, 就說沽名釣譽.
        昨天起,
        整個台大批踢踢 ptt.cc BBS的挺馬站友都瘋狂地嘲諷民進黨人如何「自婊」.

        好像今天民進黨及部份媒體又攻擊馬英九那余文的救命發票三千張
        是六月時陳水扁爆國務機要費案之後才開始收集的.
        馬英九已否認了.
        民進黨攻擊特支費入帳不成, 又跳回去攻擊假發票的部份了.
        看來還會咬著不放~~

        看來科員余中真的貪污,
        這馬英九做老大管不了小的, 有很大道德責任.
        另外, 本來劃為員工賞金的經費被挪移去做其他公務,
        這樣挪移又沒有正常的紀錄, 又不乎呆板的應份的公文程序,
        這又是一責任.
        這已經不是小事追不到最高長官的問題,
        是你市政府管人不嚴, 用人不明.

 

        但現在馬英九的回應顯然不能回覆眾人所望.
        你要辭職自清?
        還是要在國民黨全體黨員公投信任動議?
        不是不信任你的無辜,
        但請問馬英九你還有甚麼行動回應我們對你的信任?

        若台北市或高雄市輸了任何一處, 你馬英九如何面對大家?
        如何面對黨內批評? 黨員們投票 70%支持你做主席的.

 

        如果因此令陳水扁的下台壓力大減,
        如何對得起施明德、林濁水辭丟立委的苦心?

        若令民進黨又順利贏2008,
        讓一個不反省而只向權力攏弄的民進黨再贏,
        台灣怎辦?