| Kameyou's profile雲中界PhotosBlogLists |  Tools  Help |
|
雲中界May 04 保釣贈慶，五四９０週年：內除國賊共產黨今日五四運動９０週年。 1919年，一戰結束，巴黎和會，中國無法收回山東權益，山東變成日本勢力範圍。 北京大學學生爆發，罷課遊行示威。「外抗強權，內除國賊」，聲討親日的北洋政府外交官，圍攻官邸，火燒趙家樓。連北洋政府咁軟皮蛇都不敢簽約。 這是中國人遊行示威之源，學生運動之元。 之後更開展出新文化運動。 係外抗日、內除賣國賊。 70年代，美國將琉球群島及連帶釣魚台交給日本。 在美的台灣大學生抗議，要保衛釣魚台。 保釣之火傳到香港，香港的大學生發動保釣集會。 香港人從來愛國，港英洋警司說遊行示威「很亂」，揮舞警棍追打集會學生。咩岑健芬、黃毓民全部在其中；連《玻璃之城》黎明都被捉入差館，被有牌爛仔毆打。 這是香港學生運動的開始。 此後，香港的大學生更熾熱關心國家與香港的社會民生。 保釣，蔣介石怕美國，又怕日本同中共建交，怕日本杯葛中華民國在台灣，就忍氣吞聲。 台灣的大學生遊行示威極之熾熱，對國民黨政府日益不滿。 這時， 中共周恩來就出來裝扮愛國愛民愛保釣，乘機贏取海愛僑胞及台胞擁戴。 結果呢？ 中共一跟日本建國，就放棄對日索賞， 鄧小平就咩咩「擱置主權共同開發」，結果就係你擱置，日本人唔擱置。 一佔４０年，日本人有效佔領釣魚台４０年。到５０年的話，應該國際法追唔返。 中共賣國漢奸一早就係，今次都只係自證多一次。 不過， 香港人一向有自由去愛國，可以愛理不理，亦可以去愛。 香港人一向有保釣的自由，所以我地９７年何俊仁、阿牛、陳裕南、連黃秋生都有去保釣。陳南更登上釣魚台，係全香港唯一登陸釣魚台的人，係保釣英雄，係香港之光，係民族正氣之體現。 今年，仆街閤家剷李少光、曾蔭權，竟然諸多藉口阻止香港人出海保釣？ 你共產黨唔要釣魚台就唔好要，劃歸香港版圖唔該。我都覺得北京政權無資格要釣魚台的。 香港人的保釣自由，幾時到你中國共產黨剝奪呀？ 幾時到你呢ｄ國賊、民族罪人去阻止香港人保釣呀？ 五四９０週年真係應景。 前有袁世凱對日２１條、北洋軍閥親日外交官，後有中國共產黨阻止香港人保釣。 共產黨或親共的人好多理由架，咩咩外交大形勢，又乜又柒。 類似理由，咪十足十北洋政府，十足十不抵抗將軍張學良，十足十攘外必先安內蔣介石。 對日本人忍氣吞聲咁多年，釣魚台無，慰安婦賠款無，二戰索賞無， 證明忍氣吞聲係無效，係唔ｗｏｒｋ。 咁中共仲忍氣吞聲為乜？ 無為乜，根本係賣國漢奸。 達賴喇嘛出訪法國，法國親藏示威者搶下聖火，就鬼殺咁嘈， 陳巧文講下藏族人要有自由言論、集會結社、民族自決，就要姦要殺。 家陣成個釣魚台畀日本人搶左，聲都唔聲？ 西藏獨立就唔得，因為藏人係自由人，係中共食硬的，「寧贈外人不與家奴」，釣魚台送畀日本人無所謂，西藏人有自治就唔得。 陳水扁當年就係不斷阻止保釣，唔畀國民黨人租船出海保釣。 民進黨陳水扁阻保釣好正常呀，佢地台獨，唔認自己中國人，本來就係賣國漢奸。 啊，民進黨阻止人保釣就係賣國漢奸， 你共產黨禁止大陸人保釣係乜？ 你共產黨操控李少光唔畀香港人保釣係乜？ 全部都係自證－－共產黨係賣國政權、竊國大盜。 香港人要保釣要唔得，因為保釣令賣國政權感到尷尬。 香港人要民主，賣國政權又大大聲話香港人賣國勾結美帝。 你共產黨賣乜都唔係賣國， 香港人做乜唔o岩你心水就係賣國。 共產黨心水係乜？ 就係專制獨裁。 民主係違反獨裁專制的利益，因為民主＝賣國。 保釣令世人看到中共天天高叫民族主義都係虛偽， 讓人看到這個專制獨裁政權使用民族主義作為遮醜布，用民族主義轉移視線。 仆街閤家剷莫過如此。 江澤民、胡錦濤、曾蔭權、李少光，千古罪人，位列史書「逆賊傳」。 September 06 [香港島] 新老千 勞永諾 勞永諾我有樣野配服佢，佢對權力的野心真係強，亦都夠勇夠無恥。
可以由支持２３條而敗給郭家騏， 心心不憤， 就搵到條路加入社民連。 毓民白黐，太心急擴展勢力就收左佢。 勞永諾勁呀，羞恥心無哂，大大聲話自己洗心革面樂意參加直選， 同毓民一齊大鬧曾蔭權記者會，激過長毛。 一個幾十年早餐派的人特然做長毛。 見到港島普選就流口水爭住要出。 同陳太公平競爭喇，民主初選喇。扮哂野。 竟然選完，公平競爭下輸左， 卻就大大聲話「民主最黑暗的一日」 咩logic呀？ 又唔係私下逼你勞永諾退選，係公平競爭喎。 你勞永諾輸左就係全香港陪你黑暗？ 剎那間掩蓋不住野心就語無倫次。 心雄，不經社民連黨團會議，自己出錢在港島設立三個辦事處， 決心先斬後奏選港島， 更私下放黑材料畀傳媒中傷抹黑社民連，挑撥離間。 咁有米？ 條友已經畀西環收買左，要佢拆散民主派的票。 呢樣真係配服佢，看準會個機會做show作秀， 將自己由失敗者變成了西環眼中的有價值棋子。 選完之後，又一個劉千石。 老千石要輸喇，估唔到一雞死一雞鳴。 新老千在港島復活。 August 28 [新界西] 決定了, 我投社民連陳偉業 今年, 我一直在猶豫要投公民黨張超雄, 還是畀面毓民去投社民連陳偉業.
昨晚聽網上電台 hkreporter 蕭若元的節目, http://www.hkreporter.com/myradio/channel_list.php?channelid=181 http://dl3.hkreporter.com/files/new/siu_2008-08-27_2_06ce.mp3 蕭若元話齋, 民主黨或公民黨的爭取方式太落伍.
永遠投票輸了, 留下議會紀錄就了事. 民主派爭取民主, 一定要找新方式.
長毛梁國雄就是指標.
議會投票、發言, 甚至在議會發難, 加上街頭抗爭, 更加上司法覆核, 這是全天候、多方位抗爭. 當初長毛入議會, 大家視為洪水猛獸. 結果呢?
香港人已習慣了. 而香港沒有殞石墜落, 沒有末日, 經濟照舊繁榮, 生活如常. 長毛對政府的竊廳條例做司法覆核, 勝訴.
過往政府不需任何監察能偷聽所有人, 現在變到要法官批准, 多了香港人最相信的司法獨立之保障. 長毛一個人就幫香港七百萬人保障了私隱、人身自由. 這是誰做到? 李柱銘、何俊仁、大狀黨有做到嗎? 有做過嗎? 可惜, 長毛只有一個人獨舞, 大家以為發瘋.
如果黃毓民與陳偉業同時進入議會, 聯手活動, 議會內外、司法、街頭、輿論, 同步抗爭, 效果肯定大得多. 香港的民主一池死水、陷入困境.
求變, 搏一舖重槌出擊. 我決定投社民連, 我要投陳偉業. August 24 [新界西] 譚耀宗迴避飛哥提問審查梁展文事宜原帖由 wahsnowing 於 24-8-2008 02:11 發表 立法局競選 - 新界西 - 民建聯譚耀宗拒答李鵬飛提問@Now 21082008 http://hk.youtube.com/watch?v=uYdWdRBz9mA 一係失蹤, 一係唔肯答.... 飛哥問譚耀宗是否讚成立法局獨立調查梁展文. 當日劉江華大大聲話會. 當然會, 你劉江華唔係港共出身, 根不正苗不紅, 手下都要掛個牌「公民力量」, 你劉江華講咩都無用啦, 你都唔係民建聯決策核心. 因為民建聯內部重有中共地下黨員的黨組織會議嘛, 都無你劉江華份. 有份的, 根正苗紅的如陳鑑林, 咪要大大聲話 「唔好再追擊梁展文, 我地唔可以學文革咁~~」 我地都無學你班土共做土製炸彈亂殺人. 譚耀宗, 根正苗紅, 家陣重係民建聯主席, 咪要死都唔答, 不停迴避問題, 點都唔肯講啦, 「飛哥, 劉江華答左啦, 你問過第二個問題啦~~」 唔應該查咪唔應該查囉, 照實講嘛. 我個土共老豆咪話梁展文好可憐囉, 咩咩唔駛查唔應該查. 你照我老豆咁答嘛. 咁光榮偉大的答案, 點解唔答? 查實, 你民建聯無自由意志, 中聯辦或中共發命令話唔准查梁展文, 你都即時就會反對立法局的獨立調查小組啦. 收檔啦民建聯. 張學明, 估唔到你威到可以同吳三桂睇齊. 「吳三桂賣國, 張學明賣鄉」又幾鬼押韻. 你都係掛個名鄉事派, 其實家陣做立法局議員好開心, 唔捨得走. 老實D嘛, 無人怪你. 權力慾人人都有. 慘就慘在, 新界東民建聯賣甩你鄉事派, 掛根正苗紅陳克勤都唔掛鄉事派. 投靠民建聯就係出賣鄉事派. 賣咪賣囉, 緊跟中共中央的奴才的指導, 都算沾到一丁點國家榮耀嘛. 簡炳遲就威喇, 奴罵劉皇發爻底、賣鄉, 派自己個仔搭田少檔, 一齊搶鄉事票. 陳克勤好野呀, 家陣實會畀長毛告到賠錢. 未上位就累民建聯輸錢, 果然年輕新希望. 誣蔑長毛咁過癮呀~~ May 18 范太拒絕長毛的下半旗動議, 惱羞成怒范太拒絕長毛的下半旗動議, 惱羞成怒蕭若元頻度 http://202.67.151.87/hkrmp3/shiu_2008-05-15_3_f455.mp3 立法會直擊 http://www.rthk.org.hk/special/legcolive/media/20080514.asx [死了!] http://www.rthk.org.hk/smi/rthk/radio5/legco/20080514.smi [realplayer的仍可以!] 2段都是開頭便是事情的發生經過 http://news.sina.com.hk/cgi-bin/nw/show.cgi/2/1/1/735864/1.html 《明報》范太怒拔「紅牌」趕走長毛 2008-05-15 上星期長毛要求默哀及下半旗, 民建聯閃閃縮縮, 在財政委員會人少少默哀就算. 長毛寫信畀主席范徐麗泰, 之前話只能為國家領導人如鄧小平才能默哀. 長毛反駁「唔通人民無國家領導咁重要？」 范太結果就決定可以默哀，因為有「南亞海嘯」默哀的先例。 長毛追問：「咁下半旗呢？」 結果范太就發火鬧長毛，話長毛搞事，「我都同意默哀啦，你嘈咩？」 范太發飆鬧長毛，鬧完重驅逐長毛。 點解？ 范太可以多多藉口，話長毛唔理議事規則，對人不對事。 好，咁趕完長毛之後，點解無交待下半旗的動議？ 無權命令政府部門，但立法會自己都可以下半旗呢？咁點解無件事呢？ 因為 ，中共未默哀，中共未下半旗，所以香港就不能默哀不能下半旗， 因為香港做先就等於向中共向中央施壓，逼中央下半旗，逼中央默哀。 民建聯同范太都係奴才， 心中有鬼，所以惱羞成怒。 結果呢？ 今日北京國務院話要默哀喇，話要下半旗三日喇。 共奴樣衰又一傑作。 November 13 國語教中文的謬誤：普通話跟書面語的分別 97前已經有國語教育／普通話教育的講法， 其中一個理由就是國語有助中文書寫－－書面語。 今日田北辰同政府要推銷普通話教中文，亦用同一理由. 此實乃一大謬誤. 學習語言要口語及書面語皆能. 書面語是閱讀與寫作的訓練, 口語是聆聽及會話. 然而, 只要你真的在中國大陸生活過, 你就會明白普通話跟書面語的重大分別. 普通話是全國訂立一套官方語言, 統一發音. 但並不等於書面語. 舉例, 大陸人尤其是北方人很喜歡說「這是啥?」「幹啥?」 大家知道是甚麼嗎? 不知道很正常, 因為根本不是書面語, 而是口語, 即「這是甚麼?」「做甚麼/幹甚麼?」 還有更多「砸東西」=「擲破/弄破東西」 「撂開」=「撇開/弄走東西, 即係廣東話的 "了" 開. 「中」=「可以」; 「中不中」= 「可不可以」. 「沒門」「門都沒有」=「不可能/不可以」, 有說別人妄想的拒絕意味, 廣東話"你就想" 之如此類的差別更是多不勝數. 還有是口語跟書面語的重大差別, 大到會弄出誤會. 比如廣東話污糟, 書面語會寫骯髒, 但如果講國語時講「骯髒」就會令大陸人認為是批評別人人格卑污, 如果講地地方不清潔只能用單字「髒」, 這種隨別隨時引起莫大誤會. 還有, 雖然普通話的語法跟書面語比較接近, 但一樣可以有不同, 比如「天氣熱得很」這「很」倒置的說法在普通話極多, 但不合晝面語. 事實上, 對大陸人來說聽到粵式國語的語法 「我們吃先」=國語「我們先食」 「給那枝筆我」=國語「給我那枝筆」, 大陸人係會聽得明, 唯一只會講得語法好怪, 甚至覺得係少數民族講中文的習慣. 呢個係大陸人看風凰衛視梁文道講話的感想. 然而, 那些北方口語氣息極重的國語/普通話, 我們看書面語長大的人完全不會懂. 在此我無必要評論大陸人的北方口語那麼重的國語好不好. 我們講書面語式的國語甚至粵式語法普通話, 大陸人聽得明; 如果我們跟不聽不明大陸人講甚麼, 那不是失敗了? 所以, 學普通話必須要學會聽口語詞匯, 口頭對答更重要. 所以, 政府很應該花資源去陪訓國語的會話與聆聽. 若果政府將資源用在國語讀中文字或中文書面語, 跟本就係資源錯配. 甚至惹人懷疑是在慢性殺害廣東話. 田北辰你嚮大陸生活過未呀? = 田北辰你是否曾經在大陸生活? October 16 用民主形容文革?發信人: kameyou (請問我有生之年能否看見普選), 信區: PoliticsEvents
標 題: 用民主形容文革? Re: 曾蔭權論極端民主及文革 發信站: HKIBBS 香港網站 (Sat Oct 13 21:37:32 2007), 轉信 其實我見到lkcs提起, 我就想講一下.
其實呢個念頭係好耐之前kebi版主活躍時都有講過一下. 大陸人眼中「文化大革命」係可以用民主來形容的, 而且似乎是很多大陸人都係咁諗. 似乎可以如此理解, 因為文革期間係49年中共建政之後人民享用最豐富的自由, 係最自由地集會結社、遊行示威、高談闊論. (這並不包括文革內的暴力及高層權鬥) 大陸人係從呢個角度去理解, 然後去話文革係歷來最民主的時期.
因為大陸人對開放社會開放政治的詞匯很貧乏, 所以就將所有言論集會結社自由都簡單用「民主」一詞來形容. 我可以理解, 不過必須指出這樣理解及形容民主是等於誤解.
文化大革命的種種動亂係叫做「民粹」.
平時湯家驊講政治係不知所謂, 但今次一矢中的點出民粹與民主極不同. 文革係中共漸進培養人民對毛澤東的崇拜, 老毛再用各種理論魔術去迷惑民眾作反, 用個人魅力鼓動下層民眾, 下層民眾的顛狂, 完全失去理性,
一切決定皆沒有遵守客觀公正的規律, 不守憲法, 不守法論公正, 而人多欺負人少的民眾暴力. 林彪等軍隊投靠毛澤東, 不鎮壓紅衛兵暴民, 讓暴民去批鬥國務院, 完全摧毀國家中央政府, 然後毛澤東以黨軍之力暗中威脅中央政府, 再度奪權. 但下層民眾完全失控, 依著老毛的「破四舊立四新」去摧毀全國正史文物, 中下層政府及國營企業的下層都仿效去批鬥上級, 乘機奪權, 全國上中下都陷入各種暴力及奪權陽謀. 這種是連封建王朝也沒有發生的亂況.
不過, 曾蔭權在70年代成長, 這位所謂孤獨的推銷員, 親眼看著文革的發生, 又陪著香港從80年代開始進入開放社會, 都能如此詞匯貧乏, 去用民主來形容文革, 除了用「白黐」去形容之外, 已無話可說了~~ 唉, 特首映衰香港~~ |
|
||||
|
|
